| | |
| 101. ود الضو wrote at 21.01.2010 - 7:47pm | |
| الحب ثمانية انواع
,
النوع الأول
هناك من يحبك بجنون.. ويسعى جاهدا لإصابتك بهذا الجنون ...ولا يستوعب رفضك لمشاعره بهذه السهولة.. فيحاصرك بسيل من المشاعر الغير مرغوبه .. ويمارس عليك الغيرة غير المباحة .. فيكتفي بحبه لك ويحملك عبء هذا الحب... ويجب لزاما عليك أن تحبه ... والا نعتك بصفات مرفوضة إنسانيا .. مرفوضة إنسانيا .. مرفوضة إنسانيا .
هذه المشكله حدثت لى عندما احبنى احد القراء من اسلوب كتاباتى .. وجمال سردى للمواضيع التى اكتبها .. وعندما تاكد له اننى لاابادله المشاعر .. اعلن على الحرب بهذا الحب البغيض
النوع الثاني
هو من تحبه أنت بجنون فيكون مصيبتك العظمى حين يدرك حجم هذا الجنون فيتفنن في إيذائك وكأنه ينتقم منك لأنك أحببته فيتمادى في إيذائك ليذيقك مرارة حبك وافتقاده ويتمادى في الهجر والصد.
النوع الثالث
هو من يحبك بصدق فيعاملك معامله الود يحبك بصمت ويحترمك بصمت ويتمناك بينه وبين نفسه يمنعه اعتزازه بنفسه من الاقتراب منك إذا كنت مشغولا بغيره فيكتفي بالحب من اجل الحب ويحتفظ بك صوره جميله في ذاكرته .
النوع الرابع
هو من تحبه أنت وتبادله شعوره فيضمك إلي ممتلكاته باسم الحب يحاصرك بغيرته فيسجنك بدائرة الممنوعات يحسب عليك أنفاسك يحاسبك على أحلامك ويسلبك حتى ابسط حقوقك وهي التعبير عن شعورك تجاه الآخرين فتعيش في صراع دائم.
النوع الخامس
هو من يغادر حياتك فيترك ورائه فراغا باتساع السماء فتحاول جاهدا ملئ الفراغ فتتعرف على من يستحق ومن لا يستحق وتقع في المشاكل.
النوع السادس
هو من يجعلك تندم على معرفته فيسقيك الإحساس بالألم والندم معا مواقفه تخذلك وتصرفاته تخجلك .
النوع السابع
هو من يطيل الانتظار أمام بوابة أحلامك وإذا سمحت له بالدخول خرب في مدينة أحلامك وشوه أجمل الأشياء بقلبك وتركك نادما على معرفته.
النوع الثامن
هو من يدخل حياتك بلا استئذان يقدم لك الحب فوق أوراق الورد يحملك إلي عالم الأحلام يحول حياتك إلي عالم الخرافات والأساطير يشعرك بمسؤوليته تجاهك وانك مسئول منه يعلمك الصدق والحب والإخلاص يحول سوادك إلي بياض وليلك إلي نهار وظلمتك إلي شمس يصبح قلبك إلي تعشق به وعينك إلي ترى بها هذا الإنسان إذا ضاع بحق نبكيه بحرقه
وهناك حب فخم هو الحب الروحى الذى يحدث بين شخصين .. تفرق بينهما الايام لسنين عديده لايلتقيان وتظل الذكرى المؤتلقه تجمع روحيهما ..فالقلب يخفق.. والروح تهفو وتحلق ..لتعانق الحبيب الغائب..حتى وان طال الغياب وتمدد بطول عشرات السنين.. حتى لو اكتسى الفراق بلون اليأس او بطعم الحنظل .. تظل الارواح تتعانق والقلب يخفق حبا لذلك الحبيب للابد
انه الحب الروحى .. انه الحب الذى لايكون الجسد اوالرغبه او الشهوه احد عناصره ...انه حب غير متعدى .. يحافظ على حياة الحبيب الخاصه ويحترم افرادها .. حب طاهر مبرأ من الغيره القاتله وتقديم القرابين والهدم .. يهتم بالاستقرار والهدؤ للطرف الثانى.. ولايهمه ان يعيش بعيدا تحت الظل طالما المشاعر متوقده والارواح تحلق وتهفو وتلتقى .. طالما القلوب تخفق حبا وطربا وطهرا .. فقط الارواح هى التى تحب بعضها .. فالروح لاتشيخ ولاتموت ,, الذى يموت ويفنى هو الجسد .. وتصعد الروح الى بارئها لتلقى جزاءها ..
ربنا اغفر لنا وارحمنا .. وقدّرنا على طاعتك فيما نملك.. ولاتؤخذنا فيما لانملك ..(( ارواحنا
وقلوبنا )) | |
| | |
| Homepage: not entered Email: not entered | |
| | |
| | |
| 102. Amgad Saeed wrote at 12.01.2010 - 2:02pm | |
| البوم غير عادي .. الله يخليك ويديك الصحة والعافية | |
| | |
| Homepage: not entered Email: not entered | |
| | |
| | |
| 103. هوووي wrote at 17.12.2009 - 11:36am | |
| يا شيخ العطلة ازيك... ما تجاهد مع الناس ديل بدل الكلام الفارغ والكلو جهل... قال قراده قال | |
| | |
| Homepage: not entered Email: not entered | |
| | |
| | |
| 104. dar wrote at 16.12.2009 - 10:49pm | |
| قراده
..........الليله يادار | |
| | |
| Homepage: not entered Email: not entered | |
| | |
| | |
| 105. شيخون wrote at 12.12.2009 - 9:49pm | |
| يا جماعة جهلول ده لسه حى | |
| | |
| Homepage: not entered Email: not entered | |
| | |
| | |
| 106. هوووي wrote at 06.12.2009 - 2:30pm | |
| ده شنو .. الواحد ما ياخد ليهو غيبة كم ساعة كده يجي يلاقي واحد ضايع وما لاقي الطريق والتاني بكورك ساكت.. غايتو.. بس الصبر.. الحلة دي ما فيها راجل غيري ولا شنو | |
| | |
| Homepage: not entered Email: not entered | |
| | |
| | |
| 107. نسيم الليل wrote at 30.11.2009 - 7:53pm | |
| لو ضليت طريق دربـــــك
وضاع في السكة احساسي
وانداح الحنين جـــــواي
وصبح درب الوصال قاســـــي
تأكد اني ميت فيــــــــك
وانك اخر انفاســــــــــــــــــــي | |
| | |
| Homepage: not entered Email: not entered | |
| | |
| | |
| 108. االقارح wrote at 27.11.2009 - 4:16pm | |
| يا ودالضو الدخلك وسط العمالقة شنو؟؟؟؟؟؟ احسن ليييييييييييييك انقرع لانه لعب الما قدرك بفك صدرك............. | |
| | |
| Homepage: not entered Email: not entered | |
| | |
| | |
| 109. احمد السيد wrote at 21.11.2009 - 1:11pm | |
| الاستاذ الكابلي....
يا استاذ ما تشوف لينا حل لي موضوع الجزائر ومصر... انت ادها وادود | |
| | |
| Homepage: not entered Email: not entered | |
| | |
| | |
| 110. هوووي wrote at 10.11.2009 - 7:03pm | |
| يا سلام على الوحده | |
| | |
| Homepage: not entered Email: not entered | |
| | |
| | |
| 111. هوووي wrote at 31.10.2009 - 2:37pm | |
| شوفتي ليك ضوت ضلام القلب العليل
واتناسقت حروف رقت مشاعرك يا جميل | |
| | |
| Homepage: not entered Email: not entered | |
| | |
| | |
| 112. نسيم الليل wrote at 25.10.2009 - 6:28pm | |
|
غلطـان أنـا ؟؟؟؟؟؟؟؟  | |
| | |
| Homepage: not entered Email: not entered | |
| | |
| | |
| 113. نسيم الليل wrote at 24.10.2009 - 12:25am | |
| عاشق عيونك كم سنـه معليـش خـلاص غلطـان أنـا
مشيـت علـى دربـك سنيـن افــرش دريـبـك بالمـنـى
سرحت فى واديك زمن ناس الهمـوم نـاس الضنـى
كتبـت فيـك احلـى الكـلام نظمتـا فـيـك اجـمـل غـنـا
خليـت يميـن كـل الـبـلاد واختـرتـا دنـيـاك احضـنـا
معليش خـلاص غلطـان أنـا وكـل الحصـل بتحملـو
انا لى زمن متمنى يوم آخـر المطـاف بـس اوصلـو
ويقولـو لـى مبـروك عليـك ونبـدأ الفـرح مـن أولـو
نضحك كتير جنب الصحاب فى يوم سعيد ما اجملو | |
| | |
| Homepage: not entered Email: not entered | |
| | |
| | |
| 114. ود الضو wrote at 19.10.2009 - 6:51pm | |
| الله يقصر لسانا كلنا ...
وانت بالذاث لسانك دا طفش ناس كتيره ....كمان داير تطفشنى انا ..
لاهولا هيلك ياخينا
نهنا فاقدين هنان
 | |
| | |
| Homepage: not entered Email: not entered | |
| | |
| | |
| 115. هووووي wrote at 19.10.2009 - 10:15am | |
| يا ود الضو..... الله يقصر لسانك قول امين | |
| | |
| Homepage: not entered Email: not entered | |
| | |
| | |
| 116. ود الضو wrote at 18.10.2009 - 6:23pm | |
| انا سمعت اللقاء بتاع التجانى حاج موسى فى قناة الشروق ..
اتكلم فيهو عن قصايده كلها العاطفيه والغنائيه .. والوطنيه .. اصلو ماجاب سيرة قصيدة فى عز الليل ..
بينما الكابلى قبل ما يغنى اغنية فى عز الليل او حتى تجى سيرتا فى اى مناسبه ..لاااااااازم يذكرنا انها كلمات التيجانى حاج موسى..
خلاص صدقنا انها كلمات التيجانى حاج موسى وموش كلماتك انت !!!!!! الفى بطنو مدرسه براهو داقى جرس ..
والفى بطنو اورغ براهو بجبجب .. هسى فى زول غالطك ؟؟؟ | |
| | |
| Homepage: not entered Email: not entered | |
| | |
| | |
| 117. ود الضو wrote at 18.10.2009 - 6:14pm | |
| الدوش إنسان جميل
مشي لكن هو قاعد فينا حرفاً انيقاً لاتنبهم معانيه
مهما توالت الازمان ,,
قامت سُعاد من رقدتهْا
الكون جميع كان انحصر مابين
قيامَهْا ووقفتَهْا
| |
| | |
| Homepage: not entered Email: not entered | |
| | |
| | |
| 118. ود الضو wrote at 18.10.2009 - 6:10pm | |
| خيال خاص عند الدوش وما اجمله من خيال ..
رحمة ومغفرة ليك يادوش قدر الحروف
الخليتها لينا واضعافها ..
واقولِك يا سعاد
يا دَه السماح
ايا عِزَة نِفس برَكَت
متين بنْسوِّى لينا جناح
واشيِلك يا سُعاد
وامْرُق
من الزمن الدَّني
ونبَّاح)
****
أعيشهْا معاكَ لو تعْرف
دموع البهجَهْ والأفراح
أعيشهْا معاكَ واتأسّف
على الماضى اللّى ولَّىَ وراح
على الفُرْقَهْ الزمانا طويل
على الصبر الّى عِشْنَاهو
مع طُول الألم والليل
زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
زمان ما عِشْنَا فى غُرْبَهْ
ولا قاسينا نِتْوحّد
وهسَّع
رُحْنا نتْوجّع
نعيش بالحسرَهْ نتأسّف
على الماضى اللِّي ما بِرْجَع
أحبَّك
لا الزمن حوّلْنى عن حُبّك
ولا الحسرَهْ
وخوفى عليكَ يمْنَعْنى
وطول الإلفَهْ والعُشْرَهْ
وشوقى الليك طوَّل
لسّه معاي
ولى بُكْرَهْ
............ | |
| | |
| Homepage: not entered Email: not entered | |
| | |
| | |
| 119. هووووي wrote at 17.10.2009 - 9:22pm | |
| يا ود الضو ..
ما تشرح لينا قصيدة في عز الليل
في الحصة الجاية عشان عاوزين نذوب في معانيها | |
| | |
| Homepage: not entered Email: not entered | |
| | |
| | |
| 120. هووووي wrote at 17.10.2009 - 9:21pm | |
| يا سلام عليك يا ود الضو... انت الشيخ متنكر ولا شنو... بس كويس برضو عملت شغل ظريف
الله يكفينا الشيخ وشرور الشيوخ | |
| | |
| Homepage: not entered Email: not entered | |
| | |
| | |
| 121. ود الضو wrote at 14.10.2009 - 7:48pm | |
| المنبشق دا زول فاااهم .. ومعلم قدير .. بس بحب رواق سنار زى حب الدوش لسعاد .. عشان كده اداكم الحصه . ودق الجرس وقفل المدرسه وجانا جرى .. لكن انا حاكمل ليكم المقرر العليكم فى القصيده .. وبالجد نكون كملنا المقرر .. وبالجد حنقفل الفصل... يلا يا ممدوح امسح السبوره واكتبو...
بسم الله
بسم المجد فى أحضان سُعاد
اكتبوا التاريخ...خمستاشر ربيع أول..
والمُوافِق...موِلد الايقاع على خطوات سُعاد
-----------------------------------------------------------------------
شرح القصيده ..
كِبْرَتْ كُراعى من الفرح
نُص فى الأرِض نُص فى النِّعال
اتْلخْبَط الشوق بالزَّعل
اتْحَاوروا الخوف والكلام
هيي يا سُعاد
على ودْ سكينَهْ وكِلْتِي في خشمو الرماد
علي ود سكينَه ومَات أسى
وأنا بِت بلاك ملْعُون أبوى لو كنتَ أرْضَى أعرِّسهْا
وأنا يا سُعاد
وكتين تصُبى سحابَهْ تَنْزِلي زي دُعاش
بفْرِش على روحى واجيكْ
زولاً هِلِك تعبان وطاش
وأنا يا سعاد وكتين أشوفِك ببقى زول
فَرَشولوا فَرْش الموت وعاش)
قالت سُعاد
(بطِّل كلام الجِرْسَهْ انجض يا ولد)
مزّقْت روحى نِتَف
مرّقْتَ من جيب القميص
عرقى وأسق
طبّيت قزازتى وصلتَ لى طَرَف البلد
وسكْرتَ جَد
اذّنت فى الشوك والسَلَم
وسرحْتَ بالناس والغَنَم
وركعتَ للعرقى البِكِر
وقدتَ فى الألم الحِكِر
وحلمتَ زى شالنى ومشَى
فوف زحمة نْبيْ الله الخِضِر
صحَّانى صوت العُمدهْ قال
(مسئول كبير زاير البلد)
مرابط الحصان في القطعة الفوق دي .. ادناهـ :
على ودْ سكينَهْ وكِلْتِي في خشمو الرماد
علي ود سكينَه ومَات أسى
وأنا بِت بلاك ملْعُون أبوى لو كنتَ أرْضَى أعرِّسهْا
مكسر ومتيم للطيش .. شفت للطيش دي يعني محدد الشغلانية ..
بعد ان اتكال خشمو بالتراب
ومات عديييل لكنو حي .. موت العشق وما بموت لاي اخري سواها ..
بس سعاد .. اموت انا في الزي سعاد
.. واتربع عرش الصبر لحظة الشاكوش ...
لا ودوهو التجاني الماحي ولا فكر ينتحر..
بس بلقي نفسو مع السكر والعرقي البكر وبي سترة وين ؟
في طرف البلد .. يلطط صاح ويودر ويرجع
ولايخرج منه كلام الا وفيه سيرة سعاد ...
**
وأنا يا سعاد وكتين أشوفِك ببقى زول
فَرَشولوا فَرْش الموت وعاش)
**
هسي عليك الله دي مش فيها خيال ابعد من الخيال زاتو ..
فرش الموت وعاش .. يعني يمكن الجماعه
اتهموه بانه مات ..وفرشوا ليه وعملوا كل التفاصيل المماتية ..
لكنو هو عاش .. بس بي شوفة الزولة سعاد..
بي بالقدلة ..والبسمة. زي ماقال واحد اخونا كدا ..
***
(بطِّل كلام الجِرْسَهْ انجض يا ولد)
اها شفت الرد .. انجض ..
هو مانجيض.. وقاعد بنجلد وجسمو كلو اتوسم بالسوط..
عشان منو ؟ عشان
الرايقة سعاد التي تجعله دوما يفعل مايريد بلا مبالاة او تدقيق ...
**
صحَّانى صوت العُمدهْ قال
(مسئول كبير زاير البلد)
... مسئول ممكن ؟ لكن كبير ما اظن ؟ والزول الدوش في ردو قال انو :
مسئول كبير ياعمدة غير الله انعدم .. وهو صادق اصدق الصدق ..
مسئولو الكبير .. هو بس سعاد.. تلك الانثي
التي تتقطر جمالا ورقه وود .. ... | |
| | |
| Homepage: not entered Email: not entered | |
| | |
| | |
| 122. الاستاذ منبشق wrote at 13.10.2009 - 7:22pm | |
| استاذ ود الضو نقلهو لرواق سنار .. الدايرو يمشى ليهو هناك
انا حاديكم الحصه النهارده .. ومن بكره شوفو ليكم
استاذ غيرى .. الشيخ النطه افهم زول فيكم
بس كان خلى الخوف بتاعو دا
بسم الله نبدأ :
يا سعاد تعالى ولمي من كل البيوت
عِدَّة السَفَر الطويل
زخرفي الفجر النهار
شخْبِطي الضُحى والليل
المَغْرِب .. الفجر.. النجوم.
في صُرَّهْ وارمِيها البحر
خلِّينَا فوق الشك نَعُوم
يعني .. يا سعاد .. شوفو يا سعاد دي ذااااتها ..تمرق من الحشاء وتحرق الجوف .. دة كلام كبار عليكم .. لكن عشان تفهموه .. قال ليها يا سعاد تعالي ولخبطي الدنيا كلها .. بس سجلي حضور .. ومن غير حضورك غامرني نورك .. وانا اصلي بموضوع المسؤل الزاير البلد دة لخبطت الدنيا كلها مع العمدة الوصولي .. وهسة قانص لي .. وبفتش علي .. وخربانة ام بناية قش
.
والعُمدَهْ فاض
العُمدَهْ صار مليون عُمَد
العُمده فيل
جبلاً تقيل
لبْوَهْ وأسد
حَسَنَهْ وغَصِب
جُمْعَهْ وأحَد
هاهاهاها العمدة اتنفخ واصلو منفوخ لمن ملامح شكله ما بتنفرز .. ضكر ولا انتاية ما تعرفو (لبوة واسد) اصبح من الزعل كائن خرافي .. الا صاحبنا ضارب الهم بالفاقة وقلبه حار ومؤمن بالقضية .. طبق قزازة عرقي بكر ومرق :
بقّيتْ قزازتى
مرقْتَ عِن طرف البلد
وسكْرتَ جَد
وأنا جايي راجِع أجهجهو
لاقاني هو !!!!!!
هاهاهاها ارسموا اللوحة دي في خيالكم يا ربش دي ما بتنشرح .. دي بحسوها وبشوفوها
سايق العساكر والكلاب
رامى بين عيني وعينو
كلب .. وتَكْشيرهْ .. وحُراب
ضاقت نِعالى من الزّعل
من تحتهَا اتْمَلمل تُراب
ابو الثبات ذاتوو .. شفتو حرارة القلب البتناغم النعال دي كيف ؟؟
الغيم سكب ضُلو ومشَى
والدنيا غيما سراب سراب
والحِلهْ زى بلداً بعيد
زوَّد بُعادو قُرُب سُعاد
اقول ليكم حاجة؟؟ انتوا والله ما حتفهموا .. والقصيدة دي كبيرة عليكم .. ومامفروض يدرسوكم ليها .. لانو احساسكم ني .. عاسوكم ناس ثورة التعليم العالي ووصلوكم للمرحلة دي وراسكم فاضي .. .. خالين احساس وفهم ووطنية . نواصل .. اكتبوا ساي ياخ
:
اتجمَعَت كلَّ البيوت فى راحتَا
زى بِت لِعاب
مجنونَهْ تصرخ فى الزوال
ممزوجَهْ فى الدم واللُعاب
عينيَّ ضاقت نظْرَتهْا
والجوف يطقْطِق بالكلام
اها بتعرفوا حرقة الاحساس بالظلم البتخلى الرجال تنزل منعهم دموع الغلب ؟؟ ( دموع الرجال غلب ) امشوا كمان فسروا لي كلمة (غلب) انهزام .. اووووعكم .. دي العكس تماما .. الا الكترة بتغلب الشجاعة
.
قُبَّال يقولوا لي سلام
اتلمُوا حولى بلا نِظام
شال وعِمَّهْ
توب وغُمَّهْ
فاس وطوريَّه وحزام
شالونى بى كُل إحترام
دي ياها ذااااتها الوجعة البتولِّد السخرية المرَّة .. شفتوا ليكم عسكري راعى انسانية زول ملكي وكمان مطلوب .. ومفوِّر دم الجهات العليا ؟؟
شالوني بي كل احترام
ورمونى فى قَعَر السجن!!
حصلّنى قبل اليوم يِتم
جارنا المدرِّس ودْ خدوم
قال ليَّ
لا زول قام هتَف
لا كف مشَت بتلاقِى كَف
والعُمدَهْ زى هَمْبول وقف
يا صمت أُف
يا دنيا تُف
وأنا يا سُعاد للشوق نغَم
للهَم عَلَف
ياسلام .. شوفوا رغم التفاهات دي كلها .. في عشم .. في زول جواه بيضوي دياجير نفسه وسط كل الظلم والاحباط دة .. هنالك ملاذ للاستدعاء .. روح تنشيطية غير منسية جواه .. !!!
ياربي في كم منك هسة يا سعاد ؟؟
قوموا شتتو يلا .. فاتحين لي خشومكم كدة وما فاهمين التكتح .. تحفظوا بس وتجوا تكبوه بي ضبانته في الامتحان .. ويجي الوزير يلقى الدرجات شينة .. يقول عدِّلوها وادفروهم دايرين تفضحونا ؟؟ شتتوا
المدرسه قفلناها لاجل غير مسمى
| |
| | |
| Homepage: not entered Email: not entered | |
| | |
| | |
| 123. dar wrote at 13.10.2009 - 7:44am | |
| هووووي
انا قايلك دكاك حصص
اتاريك مواظب | |
| | |
| Homepage: not entered Email: not entered | |
| | |
| | |
| 124. هووووي wrote at 12.10.2009 - 11:15pm | |
| الشيخ الظلبطة... وينك ما حاضر في الصف | |
| | |
| Homepage: not entered Email: not entered | |
| | |
| | |
| 125. هووووي wrote at 12.10.2009 - 11:15pm | |
| والله يا ود الدو كلامك زي العسل.... انا كل ما اسمع الاغنية دي بحس بي اني بشاهد في مسرحية ك | |
| | |
| Homepage: not entered Email: not entered | |
| | |