Back to Homepage!Abdel Karim Abdel Aziz Alkabli
1238 Entries
Your Name: Your message:
Your Homepage:
Your Email:
Security-Code:   Please enter the security code to the left!
 

Page: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50
476. الى الشيخ wrote at 26.10.2008 - 7:38am
اكتب اليكم من حفل الكابلي بمدينه فلادلفيا ..... ويغني الان حبيبة عمري تفشى الخبر..... يا ريت يا الشيخ لو كنت معاي
اخوك المشتاق
ماو
Homepage: not entered   Email: not entered

477. ندر wrote at 23.10.2008 - 3:48am
ىا اخت سعاد للفقيده الرحمه ولكم الصبر والسلوان وانا لله وتا اليه راجعون ءءءءءءءءءءاخوكم نادر والشكر على كلماتك الترحيبيه
Homepage: not entered   Email: not entered

478. الشيخ wrote at 22.10.2008 - 11:04pm
ان شاء الله البركة فيكم يا سعاد
والله يصبرك
ويسكن المرحومة فسيح جناته
Homepage: not entered   Email: not entered

479. هويدا على wrote at 08.10.2008 - 12:05pm
انتقلت الى جوار ربها مساء امس اثر نوبه قلبيه حاده الاستاذه نفيسه باكاش عمة الاستاذه سعاد اتصلت بالاسره للعزاء فوجدت سعاد تجتاحها نوبة حزن مخيفه فانا ادرك عمق العلاقه بينها وبين المرحومه انا لله وانا اليه راجعون
Homepage: not entered   Email: not entered

480. سعاد wrote at 07.10.2008 - 10:47am
اهلا بيك ياعمر خليفه .. والله ريقنا جرى .. ياريت سعد يسجل لينا الحفلات دى فى سيديهات .. ادفع عمرى كله واشوفا ..

اها.. الحفلات انتهت .. حيرجع متين عشان يعمل لينا انشالله حفله واحده بس .. نفسى احضر لى حفله قبل ما ارجع .. انا لورجعت تانى الجيه صعبه شديد ..

انا خلاص فوضت امرى لله .. اذا حضرت لى حفله .. يبقى الحمدلله .. واذا ماعندى قسمه احضر حفله .. برضو الحمدلله .. ربنا عاوز كده ..
Homepage: not entered   Email: not entered

481. عمر خليفة wrote at 07.10.2008 - 8:19am
السلام عليكم ورحمة الله تعالى وبركاته
اود ان اشكر القائمين على امر هذا الموقع المتميز وكما اود ان ابارك للاستاذ الكابلي حفل واشنطن... الحفل الذي نفض يتحدث عنه الجميع هنا في فرجينيا وواشنطن والولايات المتحده الامريكيه... ولن ابالغ اذا قلت وانني ومنذ حضوري الى الولايات المتحده الامريكية لم اشهد حفل بهذه الروعة وهذا العدد والنخبة من الحضور.... اربعة عشر عاما لم اشهد فيه حفل هزني كما حدث يوم السبت الماضي... فنا رفيع وتنظيم متميز... مع خالص امنياتي لك بالتوفيق في رحلتك يا استاذ كابلي
Homepage: not entered   Email: not entered

482. ام عبده wrote at 04.10.2008 - 12:23pm
الشلاقه ليك شنو ياولدى ...؟؟؟؟ انا اطير أجى انت تطير تمشى ؟؟ عافيه منك ياولدى تجى راجع .. انا كبرت والدنيا ما معروفه .. ودايره اشوفك قبال اموت
Homepage: not entered   Email: not entered

483. سعاد wrote at 03.10.2008 - 8:51pm
يا جماعه افيدونا افادكم الله ... الكابلى حيرجع السودان متين ؟؟

يا سعد ابوك حيرجع متين ؟؟؟

يافيصل حمدتو صحبك حيرجع متين ؟؟

Homepage: not entered   Email: not entered

484. سعاد wrote at 03.10.2008 - 8:02pm
اخونا نادر مرحب بيك وبكل ناس الشرق وناس الغرب وناس الجنوب وناس الشمال .. اصلو موقع الكابلى شامل زى صاحبه .. ويسعدنا ان تتواصل معنا .. وباقى الاخوه الغايبين يحضروا .. وكل سنه وانت طيب
Homepage: not entered   Email: not entered

485. نادر wrote at 26.09.2008 - 1:52am
انا من قدامى المتواصلين بموقع استاذنا الكبير الكابلى قبل ان ىطور بشكله الحالى واقيم حاليا بالمملكه واعجبتنى ونسة اخوتنا ناس الشرق واعادت لى ذكرى كانت قبل عامين فى منطقة سنكات ذلك المصيف الجميل المهمش وما ادراك ما التهميش واتمنى التواصل مرة اخرى مع الاحباب مريدى ومعجبى استاذنا الكابلى وانا ادرك جيدا انهم من صفوة مجتمعنا السودانى
Homepage: not entered   Email: aialbasheer[AT]hotmail.com

486. سعاد wrote at 25.09.2008 - 8:50pm
بورسودان لازالت حاره .. درجة الحراره 40 . بس الكويس انه الكهربا استعدلت وبقت ما بتقطع نهائيا .. والمكيفات شغاله ليل نهار .. حاسافر بكره للخرطوم عشان اعيد هناك .. العيد حلو فى الخرطوم .. ياريت القى الاحباب والاهل هناك . كنت حاكون سعيده جدا .. ربنا يقرب البعيد ..
Homepage: not entered   Email: not entered

487. سعاد wrote at 25.09.2008 - 8:39pm
شكرا ياحلو .. انا مابقيت كوزه .. بس دا رايى الخاص .. ان شاء الله يكون صاح .. فى كيزان كتار فى الموقع .. زى ممدوح مثلا .. ما سمعت تعليقه على الموضوع ..

سلامى لاولادك والدكتور بتاعك .. انا عارفاهو ما متحمس لأى حاجه .. خصوصا الصداقات عبر النت .. مع ناس لاندرى من هم حسب تعبيره . المهم انا فرحانه انك بتطمئنى على .. وعارفه كتاباتى بتعجبك من زمن مجلات الحائط .. شكرا ياحلو .. يا فرحة ايامى الغلو ..
Homepage: not entered   Email: not entered

488. الشيخ المحتار wrote at 24.09.2008 - 6:00am
الظاهر رمضان دخل فى العضم
أول مرة اشوف واحد بتونس مع نفسو
وبعدين مافى واحد فى المكان ده بعمل غلطات زي دى غيرك يا هدندويه
قال طمئن قال
معليش يا حلو مر
Homepage: not entered   Email: not entered

489. حلو wrote at 22.09.2008 - 9:10pm
ازيك سوسو , كما وعدتك حأزور الموقع من وقت لآخر كى طمئن عليك ,

الحاصل شنو رحت السودان بقيتى كوزه
الدكتور والاولاد بسلموا عليك ,
Homepage: not entered   Email: not entered

490. سعاد wrote at 22.09.2008 - 10:47am
لماذا المرأة كالضلع الاعوج
----------------------------

قال الرسول صلى الله عليه وسلم ( إن المرأة كالضلع ألأعوج , فإذا ذهبت تقيمها كسرتها . وإن تركتها استمتعت بها وفيها عوج ) وقال عليه الصلاة والسلام ( استوصوا بالنساء فان المرأة خلقت من ضلع أعوج , وإن أعوج شئ فى الضلع اعلاه . إن ذهبت تقيمه كسرته وإن تركته لم يزل أعوج . إستوصوا بالنساء خيرا . )


يعتبر الهيكل العظمى بمثابة إطار لجسم الإنسان .. ويتكون من 206 عظما .. وهو الذى يسند معظم ثقل الجسم .. ولكل عظم من عظام الهيكل وظيفة يتميز بها .. وله شكل يتناسب والوظيفة التى يؤديها .. قال تعالى ( الذى أعطى كل شئ خلقه ثم هدى ) .. فالله لم يخلق شيئا عبثا .. فكل شئ مخلوق لمهمة .. ولكل مهمة مواصفات خاصة وشكل خاص ..

فعظام الهيكل العظمى لها اشكال مختلفة .. منها المستدير كعظام الجمجمة وعظام العمود الفقرى .. ومنها المقوس كعظام القفص الصدرى .. ومنها المستقيم كعظام ألأطراف ..

فالاستدارة فى عظام العمود الفقرى .. هى ألشكل ألأنسب .. لتقوم بحماية النخاع الشوكى والالتفاف حوله من جميع الجهات .. لذا نجد ان النخاع الشوكى محمى بواسطة ثلاث طبقات :-

1- طبقه من الغطاء الواقى - نسيج عضلى رقيق يشبه الجلد -

2- طبقه من سائل لزج .

3- عظام العمود الفقرى .

كما نجد عظام الجمجمة تنحنى وتتكور حول المخ .. لأن المخ يتكون من مادة هلامية رقيقة .. ويحتاج لحماية تامة من العوامل والمؤثرات الخارجية .. لذلك خلق الله له هذه العظام التى تلتف حوله لحمايته ..
كما جعل له سائلا حول العظام .. ليكون حاجزا اضافيا ..


والصدر فى جسم الانسان .. يحتوى على اعضاء حيوية هامه للغاية .. كالقلب والكبد والرئتين والطحال .. التى تحتاج لحماية خاصة .. فجعله الله محميا باثنى عشر ضلعا تلتف حوله .. مكونه حاجز عظمى على شكل قفص..

وعظام القفص الصدرى لها خاصية تتميز بها على سائر العظام الاخرى فى الهيكل العظمى .. فهى ذات شكل مسطح .. كما إنها عظام مرنه .. قابلة للتمدد والارتخاء .. لذلك فهى ليست سهلة الكسر .. وهى تشكل دعامة للسلسلة الفقريه ايضا ...

وعظام القفص الصدرى تسمى أضلع .. ومفردها ضلع .. وللضلع مهمة ووظيفة خلقه الله ليؤديها .. وهى حماية الاجزاء الداخليه الهامة فى جسم الانسان .. ولا يستطيع الضلع القيام بالحماية .. إلا بهذا الشكل المنحنى .. فالله خلق الضلع فى أحسن تقويم بهذا الاعوجاج .. فألإعوجاج فى الضلع ليس خطأ .. بل الخطأ أن يكون الضلع مستقيما .. وتقويم الضلع .. هو الخروج به عن شكله الذى فطره الله عليه ..فيصبح غير سوى وينكسر .. ولا يستطيع اداء وظيفته التى خلق من اجلها ..

فليس كل مستقيم صحيح .. وليس كل أعوج خطأ .. فلو كانت إطارات السيارات لها أضلع مستقيمة .. ما كانت لتؤدى وظيفتها .. والمسمار المقلوظ .. أثبت من المسمار المستقيم .. ولو كان القمر أو الشمس مستطيلة الشكل .. بمعنى أن لها أضلع مستقيمة .. لإختل نظام الكون ... فالله خلقها مستديرة .. لأن احسن تقويم لها فى هذه الإستدارة.. وهذا لا يعيبها.. يقول تعالى ( يكور الليل على النهار , ويكور النهار على الليل ) والتكوير لا يكون إلا بالانحناء والإعوجاج ..

وهناك اشياء لا تؤدى وظيفتها إلا بالشكل المستقيم .. ولو عوجناها تشوهت وأصبحت غير قادرة على اداء مهمتها .. مثل عظام الاطراف ( الساقين والذراعين ) وأعمدة ألإنارة .. وأعمدة المبانى .. وألأقلام .. والكتب .. وسطور الدفاتر .. واشياء كثيرة يصعب حصرها ..

والالتفاف حول الشئ .. يدل على الحنو عليه .. والتشبث به .. .. لذلك نجد ان تشبيه الرسول الكريم صلى الله عليه وسلم المرأة بالضلع ألأعوج معناه أن المرأة تحنو على اسرتها وتحميها .. كما ينحنى الضلع ليحمى ما بداخله من اجهزة حساسة .. وهو تشبيه معنوى يدل على صفة


الحنو عند المرأة .. التى فطرها الله عليها .. لتؤدى دورها الطبيعى
داخل اسرتها .. فالزوج عند المرأة يعادل القلب فى الجسد .. والكبد يعادل ألأبناء .. والرئتين هما حسن الخلق والمبادئ والقيم التى تتنفسها .. والطحال هو اسرتها الممتدة من اهل وجيران .. والمرأة هى الضلع الذى ينحنى حبا وعطفا .. ليضم ويحمى هذه العناصر الهامه فى حياتها .. فإذا حاولنا تقويم هذا الضلع كسرناه .. وأصبح كل شئ كان يحتويه ويحميه معرضا للخطر ..

إذن تشبيه النبى صلى الله عليه وسلم المرأة بالضلع الاعوج .. ليس فيه ما يشين المرأة .. بل هو تشبيه معنوى يدعم المرأة ودورها داخل الاسرة .. ولو قال المرأة كالساق الأعوج .. أو كالظهر الأعوج أو كالقدم ألأعوج .. لاختلف الامر هنا .. حاشاه صلى الله عليه وسلم .. فنحن الذين نفسر كل شئ حسب هوانا .. حيث صار تفسيرنا الخاطئ لكل ما يشير الى المرأة فى ديننا وبال علينا .. فاصبحنا عالميا معروفين .. باضطهاد المرأة وهضم حقوقها .. وهذا لا يتأتى من قوم متحضرين .. وصرنا مضرب المثل للتخلف والغوغائيه ..

وظهر لنا ادعياء المساواة .. ألذين يريدون إخراج المرأة عن فطرتها .. وسموا هذه الفطرة قيودا .. وقالوا للمرأة .. إكسرى قيودك التى تكبلك وتمنع عنك الحرية .. هيا اخرجى من القمقم الدينى واستمتعى بالحياة .. فماذا كانت النتيجة :-

1- قالوا لها .. انت لست كالضلع الأعوج .. نحن سوف نقومك .. هيا انزعى عنك الحجاب .. لأنه يمنعك الحركة ويخفى جمالك .. فخلعت حجابها .. وارتدت الملابس التى تكشف عن ادق تفاصيل جسدها .. وأصبحت تتأذى من نظرات العيون الوقحة التى تثقب ملابسها وتنفذ الى جسدها .. ويصافح مسامعها أقذى كلمات الغزل .. والالفاظ الرخيصة .. ووجدت نفسها عرضة للتحرشات الجنسيه .. والاعتداءات .. وكثرت حوادث الاغتصاب .. ووجد القوادين ضالتهم وراجت تجارتهم ..
ماذا وجدت المرأة عندما خالفت فطرتها كضلع واستجابت لمن يريدون ان يقوموها ؟؟؟ نعم انكسرت !!


2- قالوا لها إن الامومة تضيع معالم انوثتك .. وتجعلك تخرجين عن مقاييس الجمال .. وأباحوا لها الإجهاض .. وصنعوا لها ألرضاعات الصناعية حتى لا يتهدل الثدى.. فماذا كانت النتيجة .. تعرضت المرأة للهلاك والموت بسبب عمليات الاجهاض .. وصارت الرضاعة الصناعية سببا هاما لامراض النزلات المعوية وسؤ التغذية .. الذى يؤدى الى موت ألأطفال .. كما ان شراء الالبان الصناعية صار يضعف ميزانية الاسرة ..
فماذا جنت المرأة التى تبعتهم .. عندما خالفت فطرتها فى الامومة والحنو والعطف على اسرتها ؟؟؟ نعم انكسرت !!

3- قالوا لها .. لماذا يجرب الرجل العملية الجنسية قبل الزواج وأنت لا تجربينها ؟؟ إذا كنت تخافين من الحمل .. فعندنا لك اكثر من وسيلة تمنع الحمل .. فماذا كانت النتيجة ؟؟

العزوف عن الزواج .. وكثر عدد الاطفال اللقطاء ..وخسرت المرأة عزتها وكرامتها ..وخسرت الدنيا والآخرة .. وكل شئ ..
فماذا استفادت المرأة التى صدقت و خالفت فطرتها ؟؟؟ .. نعم انكسرت ..

4- قالوا لها لا قوامة للرجل عليك .. ويجب أن تكونى صاحبة الكلمه العليا فى الاسرة .. كونى ندا له .. وافعلى ما ترينه انت صالحا .. واخرجى كما يحلو لك .. واستمتعى بحياتك .. فماذا كانت النتيجة ؟؟ كثرت المشاكل والمشاحنات بين المتزوجين .. وارتفعت نسبة الطلاق .. فماذا استفادت المرأة التى خالفت قانون دينها ؟؟؟ نعم انكسرت !!

ان المرأة مخلوق كامل كالرجل تماما .. يقول تعالى ( الذى خلقكم من نفس واحدة ) ويقول جل شأنه ( لقد خلقنا الانسان فى أحسن تقويم ) ويقول ( الذى خلقك فسواك فعدلك ) ويقول ( الذى أحسن كل شئ خلقه , وبدأ خلق الانسان من طين )

وتشبيه الرسول للمرأة بالضلع الاعوج .. تشبيه معنوى .. يدل على فطرة الحنو عندها .. واذا أخرجناها عن هذه الصفات والمعانى الجميلة .. فنكون كالذى يحاول تقويم الضلع ليكون مستقيما ولو استقام الضلع انكسر


وخرج عن فطرته .. ولا يستطيع القام بمهمته ..ونكون بذلك خسرنا الضلع أولا .. ثم خسرنا الاشياء التى كان يحميها الضلع ثانيا ..

لو فهمنا الحديث الشريف بهذا المعنى الصحيح .. فلن نجد فيه أى معنى للاضطهاد أو تقليل الشأن أو تسفيه الرأى .. ولعاملنا المرأة باحترام .. وباحترامنا للمرأة نكسب احترام شعوب الدنيا لنا .. ونقفل الباب فى وجه أعداء الدين ..


أ . سعاد عثمان نصر
Homepage: not entered   Email: not entered

491. سعاد wrote at 21.09.2008 - 9:27pm
السلام عليكم يا جماعه
وصلت قبل المغرب بشويه .. كنت فى سنكات فى ضيافة خالى الطاهر باكاش .. ياسلااااااااااام قضينا ايام جميله فى الباديه ..
مشطونى بالودع .. ولبست توب الفوتا البرتقالى وركبت فى الشبريه .. وااااو
اكلت - الأوتم - بلبن الابل .. الأوتم يعنى العصيده ..
- خالى ضبح اتنبن - أرقن - ارقن يعنى خروف واحد قسمناهو كرامه وواحد عملناهو سلات - بدون ضبان -
اتفسحت فى الباديه وقطعت المساويك من شجر الأراك ..
كانت لحظات رائعه .. اولاد بنت خالى لقو اللاب بتاعى .. قعدو يطبظو فيهو قايلنو اتارى .. طبعا لخبطو لى البرنامج كله ..
هسى بكتب من محل نت فى السوق ..
وحشتونى والله كلكم .. العيد على الأبواب وكل سنه وانتم طيبين
Homepage: not entered   Email: not entered

492. Musa wrote at 17.09.2008 - 3:09pm
Hi Dr Alkabli
Hope u are doing well
Thank u so much for u great job which u offering for all the Internet Exploers World wide for spreading of goog Thought,Ideas,cultures,ccomplishment and the Talent .this is well appreciated and understandable .
I request u end to get communicate with u web site as far as possible.
Your quick response is highly appreciated.
Best regard
Musa
Homepage: not entered   Email: musabushmusa[AT]yahoo.com

493. saad wrote at 14.09.2008 - 8:02pm
الاحباب الاعزاء... الشيخ والشلة... الاستاذ الكابلي وصل إلى امريكا منذ حوالي الثلاث اسابيع وهو بمدينه فيرجينيا حاليا ويستعد لحفل العيد المقام يوم 4 اكتوبر بإذن الله بمدينه فيرجينيا....
Homepage: not entered   Email: not entered

494. سعاد wrote at 13.09.2008 - 9:16pm
تصور كنت مركبه شريحه .. وكاتبه نمرة شريحه تانيه .. دا من شنو ياربى ؟؟ رمضان .. وللا الكبر حصل .. النمره الصحيحه

0914840295

بس عشان ما تقول وهم وما تفتكرنى كضابه .. بعدين اقول هصل وللا حصل اهو كلو مهصل بعضو .. الرطانه الكتيره مع الاهل عوجت اللسان ..
Homepage: not entered   Email: not entered

495. استاذ الشيخ wrote at 12.09.2008 - 10:11pm
با هدندويه انت
بيقولو الحصل ومش الهصل
قال الهصل قال
يا حليلك يا ميدو
استاذ الشيخ لتدريس اللغة العربيه لغير الناطقين بها
Homepage: not entered   Email: not entered

496. سعاد wrote at 12.09.2008 - 10:04pm
تصور يالشيخ الشطه .. انا جيت السودان مخصوص فى رمضان .. عشان احضر لى محاضره .. او ندوه .. او حفله للفنان العظيم كابلى .. فاذا بى اعرف انه فى الخارج !!!!! شفت حظى عاثر كيف .. حارجع امريكا بعد العيد
Homepage: not entered   Email: not entered

497. سعاد wrote at 12.09.2008 - 9:52pm
الرقم ما وهمى .. ياوهم انت .. دا رقم حقيقى بدليل هويدا اتصلت واتكلمت معاها ساعه كامله .. ولمن هويدا ضربت اديتا رقمى الاصلى وهو رقم مميز..وفيه تناغم شديد بين ارقامه .. يمكن تحفظو من اول..قراءه وانا طبعا مامكن اكتب رقمى الحقيقى فى النت .. عشان الهكر يبقوا لى فى رقبتى .. الهصل انى اشتريت لى شريحه وكتبتها فى النت ..وبعد هويدا ضربت .. طلعتها من الموبايل ورميتا فى الدولاب .. وعشان اثبت ليك انى ما بكذب .. حادخل الشريحه تانى فى الموبايل من بكره 7 الصباح بتوقيت السودان .. لحد 3 الضهر بتوقيت السودان .. وحاطلعا عشان كل اهلى بضربوا لى فى رقمى المميز .. ومابقدر اطلع شريحتى الحقيقيه مده طويله .. بعدين شنو لوبين دى ؟؟ انت تبرى وتستبرى .. .. انت اسكتلنديارد .. عشان عامل تخقيق معاى .. ( مابريدك وما بحمل بلاك )
Homepage: not entered   Email: not entered

498. الشيخ لوبين wrote at 10.09.2008 - 6:05am
فوازير رمضان
ما هو الرقم الوهمى المرسل الى شخص وهمى
الجائزة موبايل
Homepage: not entered   Email: not entered

499. سعاد wrote at 09.09.2008 - 2:11pm
الرقم الفى الرساله خطا .. الصحيح هو

0914848295
Homepage: not entered   Email: not entered

500. سعاد wrote at 09.09.2008 - 2:01pm
ازيك ياهويدا .. انشالله استلمت الكتب الرسلتها ليك .. بعدين موبايلك دا مابيرد اصلو .. طبعا ضائع كالعاده ماعارفه اتصل بيك كيف .. هاك الرقم دا اضربى لى بعد الساعه تمانيه مساء بتوقيت السودان ..
وسوى ليك موبايل زى النسوان ياثقيله ..

0914848952

انا مبسوطه لانى اخيرا صمت رمضان فى السودان بعد غيبه طويله .. وطبعا نسيت الاربى , طول اليوم رطانه .. الجو جميل فى الخرطوم ومافى غبار .. لكن بورسودان عباره عن حلة بريستو .. رطوبه عاليه جدا والمويه والنور قاطعين .. ماقدرنا نقعد فيها .. ..
Homepage: not entered   Email: not entered

Page: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

1999 - 2016 by Jens Schauer. All rights reserved.
The free guestbook from ComSite is available here !

Bookmark this page: Save to del.icio.us Digg This! Reddit It Share on Facebook Submit To Propeller Furl This Fark It Add to Yahoo MyWeb2 Add to Technorati Favorites! Seed This Twit This! Add to Windows Live favorites Add to ma.gnolia Add to Ask Add to Backflip Add to Blinklist Add to Blogmarks Add to Diigo Add to Bluedot Add to FeedMeLinks Add to Kaboodle Add to Link A Gogo Add to LinkedIn Add to Mister Wong Add to Mixx Add to Multiply Add to Netvouz Add to Segnalo Add to Slashdot Add to Spurl Add to Yardbarker Add to StumbleUpon Add to Webnews Add to Linkarena Add to Icio Add to Linksilo Add to your Browser Favorites