Back to Homepage!Abdel Karim Abdel Aziz Alkabli
1238 Entries
Your Name: Your message:
Your Homepage:
Your Email:
Security-Code:   Please enter the security code to the left!
 

Page: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50
451. ..سعاد wrote at 22.11.2008 - 8:17pm
الشيخ اها النهارده ما حاكتب غير الرساله دى.. معزومه قراسه بالدمعه .. مع هويدا .. والله الحلبيه دى بتزبط جنس دمعه .. بس حامد مجاير يقوم من السرير .. بردان .. ولمن صحيتو قال لى ..الشاى جاهز .. قلت ايوه .. قال حضرتى ...ملابسي الامشى بيها .. اشرت للكرسى وقلت .. ياها دى .. انت بس قوم .. قال . سوى معجون فى الفرشه وجيبيها لى... اها دى الفرشه .. يلا قوم من فضلك .. زهجتنى ياخى.. مسك الفرشه وقال لى .. جيبي الحمام .. مشيت الناحيه التانيه من السرير .. وشلت مخدتى .. وانهلت عليه ضربا ..

وندى القلعه قالت فى برنامج - ٣ عليك - فى رمضان .. الرجال مابنقنقو .. عشان اساسا ما بطلبو من النسوان حاجه ... فيلسوفة عصرك يا ندويه ..... آل مابطلبو آل..
Homepage: not entered   Email: not entered

452. دار wrote at 22.11.2008 - 7:04pm
ده الكلام وال بلاش انا علي الشاي والخبيز
Homepage: not entered   Email: not entered

453. شيخون wrote at 22.11.2008 - 1:07pm
ياخى انتى ما بتنومى
أدينا فرصة شوية معاك
الواحد كلما يحاول يكتب تعليق عن موضوع كتبتيهو يلقاك نطيتى بموضوع تانى, شنو الحكاية انتى قايله نفسك عثمان دقنه
روقى المنقة شويه
وين دوده بتاعك شايفو زاغ
قال دوده قال
Homepage: not entered   Email: not entered

454. سعاد wrote at 22.11.2008 - 8:38am

ياسلام عليك ياسعد .. طالع لابوك صحيح ..شكلا وموضوعا .. انا ماكنت قايلاك رقيق بالشكل دا ..
اما المنتدى المصغر الذى سيكتب فيه لكابلي حول مواضيع معينه يتناول فيها معنا استفساراتنا.. وارائه الخاصة عن العديد من محطات حياته وفلسفته الخاصة في العديد من نواحي الحياة والموسيقى والتراث...
وبعد دا كله تقول موقع مصغر ...المواقع ياسيدى الفاضل .. تقاس حجما بما يكتب فيها.. وبمن يكتب عليها .. وبهذا المعنى .. سيكون المنتدى الموعود .. اعظم.. وابلغ .. وافيد.. منتدى ظهر على شاشات النت ..دون استثناء.. وقد يدفعنى هذا الى عمل .. دراسه مستفيضه عن هذا الفنان .. الذى بهرنى منذ الوهله الاولى .. وادخلنى فى دهشه لمافيق منها حتى الان ..
oooh my God !!
الحقنى يا فيصل .. انا دايره اجن .. الكابلى حيتواصل مع اصدقاء الموقع.. وطبعا طالما صديقى عمرك .. حيكون معانا.. انت طبعا حتكون معانا waaaaaaaw انا ما مصدقه ..
بس يافيصولى .. وحياة ماما وبابا .. بلاش الباس وورد .. والبروفابل ... والدياولو !!!!
اها يا ممدوح حبيبك حيكتب معانا .. دايرين نشوف حبك دا جد جد .. وللا حبر على ورق ..
وانت ياياسر لايص فى الكابلى سودان .. ونازل تعليقات .. وعامل ايميل بالتاريخ ٨-٨-٢٠٠٨ وتبكى على الاطلال .. واخر دردشه مع - ام عبده شلاقه - اها سعد قال حيعملوا منتدى .. والكابلى شخصيا حيكتب معانا ..وااااااااااو انا فرحانه ...
اما انت يالشيخ الشطه .. اليومين ديل عامل فيها
... ياواد ياتئيل...وقاعد تكتب بالقطاره .. اها تاج راسك شخصيا حيشارك معانا .. النشوف فلاحتك عاد .. ماتبقى المكاواه لى سعاد بس .. آل الفى بطنو حرقص آل ...
وانت يادار .. الكلام لازم يكون كتير ..يعنى كلمه واتنين وتقوم جارى .. ماينفع ..
وانت يااونتاريو .. افتكر خلاص ادبتنا .. وتوبه ياحبوبه .. وحتى فى رمضان حنكتب ونتواصل .. خلاص ماتبقى عنيد ..
Homepage: not entered   Email: suaad57[AT]yahoo.com

455. Saad wrote at 22.11.2008 - 2:49am
الاحباب والاصدقاء ومعجبي الاستاذ عبد الكريم الكابلي... لكم التحية والسلام ....
من ااجمل الصفحات على النت والتي تجعلني سعيدا هي صفحة التوقيع هذه... فبالرغم من بساطتها وشكلها البدائي إلا انني استمتع بقراءاتي لما يكتب عليها... واضحك كثير لبعض التعليقات والمضايقات والمناقشات بين سعاد والشيخ وياسر وممدوح وكل الشباب... واستفيد ايضا من التعليقات الخاصة بزوار الموقع... والمهم هو ان تواجدكم يصنع هذه الصفحة والاستاذ الكابلي يقرأ تقريبا جميع التعليقات المدرجة من سيادتكم .... ودائما ما يسألني عن الشيخ الشطة وسعاد ........
وانا اقدر جميع اقتراحاتكم لرفع مستوى الموقع من حيث المضمون والشكل.... واشكر ايضا الاستاذ فيصل عبد الخالق حمدتو على اثراء الانترنت بالعديد من المواد المتميزه عن الكابلي..... اما يا سعاد بخصوص المنتدى فانا اتحدث مع الاستاذ هذه الايام لنبدأ في مشروع منتدى مصغر يكتب فيه الكابلي حول مواضيع معينه يتناول فيها معكم استفساراتكم وارائه الخاصة عن العديد من محطات حياته وفلسفته الخاصة في العديد من نواحي الحياة والموسيقى والتراث... فنرجو من التشجيع والمتابعة بإذن الله... وسوف اقوم بتنزيل العديد من الاغاني الخاصة جدا في الموقع في الايام المقبلة ... فكوني معنا
ولكم الشكر
سعد عبد الكريم الكابلي
Homepage: not entered   Email: not entered

456. ..سعاد wrote at 21.11.2008 - 5:34pm
انا يادوب صحيت . صليت الفجر حاضر .. وقعدت فى النت .. حامد صحا .. حامشى اسوى الشاى والفطور .. اتفضلوا معانا ...ىاشوفكم بعدين ..
Homepage: not entered   Email: not entered

457. سعاد wrote at 21.11.2008 - 5:20pm

زيك يالشيخ ... شوق بالكوم والردوم .. شنو يعنى .. ..لاحس لاخبر ..
انا خلاص ظارى نزل فى موقع الكابلى نت بتاع سعد .. سعد ظريف جدا . رسل لى تعزيه رقيقه على بريدى ..وبعدين الموقع بصورتو الجديده بقى حلو شديد ... والابواب منظمه .. والاخبار وتحركات كابلى.. وحتى الاتصال ..والفيديوهات .. وووب على .. شفت المقطوعه العملا على الهواء ؟؟ قال بتهوفن قال .. بتهوفن بتاع الساعه كم.. والشباب والاناقه ..والعبقريه ..
يعنى الموقع متكامل .. واجمل ما فيه الدخول بدون تعقيد .. بس تكتب الكابلى نت .. يظهر الموقع .. تضغط على صفحةالزوار .. تلقى نفسك مصنقر مع الاصدقاء.. وكل الدرشه الاتقالت قدامك .. تكتب موضوعك وتعمل انتر .. كل الجماعه يشوفو ويردو عليك .. انت بس خليك معانا هنا.. وتاكل ملبن .. موش يادورى؟؟؟
بعدين يالشيخ النطه.. ليه ماتعزينى فى خالتى.؟؟ والله الشيخ الشطه احسن منك .. قام بالواجب .. ياقراده انت .. ..سعاد
Homepage: not entered   Email: not entered

458. الشيخ النطة wrote at 21.11.2008 - 4:41pm
والله قصة غريبة
غاب اب شنب ولعب اب طنب
كمان بقى فيها دورى ودلع كمان
على العموم انا خليت ليكم المنتدى ده عشانك انت ودوده
وكان دايرة تعرفى سبب زعلى قابلينى فى منتدى
www.alkabli.org/wanasa
وانت ودوده بتاعك ده بتاعين حركات صعبتو لينا الدخول للمنتدى الجديد
انا والله مشيت هناك وفتحت المنتدى ونقرت فى
postreply
قال لى بالله لو سمحت تسجل نفسك
قلت ليه طيب ونقرت على
Register
قال لى بالله دخل اسمك وعنوان بريدك واختار ليك باس وورد
قلت ليه جدا
بعدين قام قال لى رسلنا ليك رسالة فى صندوق بريدك عشان تنشط حسابك
قلت ليه شكرا ومشيت هناك لقيت الرسالة قاعده منتظرانى
نقرت على اللينك بتاع التنشيط بعدها لقيت نفسى جوه المنتدى
انتو لو ما بتعرفوا تستعملوا التكنلوجيا حقو تخلوها وما تصعبوها على الناس
قال دوده قال
Homepage: not entered   Email: not entered

459. سعاد wrote at 21.11.2008 - 4:19pm
اخويا الحبيب نادر .. انا حادلعك واقول ليك ..دورى .. انت انسان ظريف يادورى ووناس .. انا بحب الونسه .. فى علم النفس عندنا الشخص البيدردرش .. شخص ودود ذو قلب ابيض .. عشان كده تندردش سوا ..
يابختكم بتشوفو قناة هارمونى وقناة زول .. دى كانت قنواتى المفضله بجانب قناة الشروق .. لكن من وصلت ولايتى ..ماشايفه التكتح .. الا تلفزيون السودان القومى .. تصور ...
انا زاتى زهجت من الولايه دى الفى اخر الدنيا .. اقرب مكان لينا ولاية الاسكا فى القطب الشمالى.. بعنى الاسكيمو جيرانا الحيطه ..بالحيطه... وكندا نصلا بعد ساعتين بالعربيه ..وكان شفت الجليد نازل عندنا اليومين ديل .. وبرد شديد ..
ياحليل السودان وياحليل هارمونى وزول ..
كلم لينا ناس صفصف ديل كان ظراف زيك كده .. وبيحبو كابلى يدخلو معانا الموقع ويدردشو .. وانشالله كان سمحت الظروف نتعرف عليهم ..
Homepage: not entered   Email: not entered

460. نارد wrote at 21.11.2008 - 7:42am
من متابعة المنتدى اتضح لى انه معظم وان كان ما الكل استيتيون والمفارقه انه كل الاصدقاء واحبابنا الكلوس بالاستيت خصوصا ناس اوهايو وواشنطن لكن زى ما بقولوا السكين خلاص سرقتم وزكرنى وصفك يا سعاد لطبيعة الحياه هناك بان احبابنا هناك يفتقدون لهذا الدفء الاجتماعى وتلك الحميميه التى لاتوجد الابسوداننا الحبيب الطريف انه انا بكتب بالمسج ده الان استاذنا الكبير وهرم الغناءالكابلى يشدو من قناة هارمونى اغنيته الشهيره قمر دورين ودى لمن اسمعوها ناس صفصف الهناك ديل بضربو الرورى التحيه ليكم يا ناس الاستيت وانشاالله تكونوا دايا تامين ولامين
Homepage: not entered   Email: not entered

461. نادر wrote at 21.11.2008 - 6:44am
تعرفى يا سعاد انه انا بتحايل على حروف الاسم عشان جملة المسجات تخش المنتدى وتلاحظوا انه الاسم حروفه متغيره كل مره
Homepage: not entered   Email: not entered

462. سعاد wrote at 21.11.2008 - 6:02am
الشيخ الشطه .. لااسكت الله لك حسا .. مالك الحاصل شنو ؟؟ لاسلام.. لاكلام .. زعلان من منو .. كلمنى وانا - اجضمو ليك - وشايفاك غيرت اسمك ل ماو .. حقو تغيرو لناو .. ناو دا صوت الكديسه .. ما قلت لنا رايك فى تبسيط الدخول للمنتدى .. بدون تسجيل وباس ووورد وكوكيز والعمر اكتر من ١٣ وقراءة الشروط والتوقيع عليها والاتصال بالاداره اذا ماقدرت تدخل..عاوزين حاجه بسيطه زى كابلسفانس زمان ... او زى الموقع دا .. خصوصا ونحن كلنا كنا ٧ اعضاء .. وهسى بقينا اربعه .. ايه رايك يالشيخ ؟؟ تشاركنا الراى .. انا ودار ونادر ..وتبقى رابعنا وللا رايك شنو ؟؟
سلم لى على الشيخ النطه واحشنى موت ..او ارسل لى رقم تلفونو لبريدى الالكترونى suaad57@yahoo.com
Homepage: not entered   Email: not entered

463. سعاد wrote at 20.11.2008 - 5:25pm
وداعا بلدى الحبيب .. وداعا بلدى الصغير .. عشت فيك عطله طويله وجميله .. رايت فيها كل بديع ومبهج ..زرت الباديه .. ومراتع طفولتى .. ومحراب لقاء احبابى..
ومررت فيك بحزن حياتى كلها ..الحمد لله اننى عشت هذا الحزن بين اهلى وعشيرتى واصدقائى .. الذين لولاهم لاادرى ما كان سيحل بى .. الحمد لله لم اسمع بهذا الخبر الاليم وانا فى الغربه ..

انت جميل ياوطنى..بناسك واهلك واصدقاءك .. بالحنان والعطف والمشاركه الوجدانيه ..انت جميل بمدنك وقراك وبواديك .. باشجارك وبحارك وانهارك .. بجبالك وسهولك وتلالك ..وداعا يا اجمل بلد .. واطيب بلد .. واحلى بلد ..

سلام سلام وطنى الكبير .. كبير بحجم قاره .. اليس ممتع ان تكون قاره باكملها وطنك .. تتحرك فيها بحريه .. وتتنقل ما شاء لك التنقل .. برا بحرا او جوا..وتستقر حيث تشاء .. وتعمل .. وتمتلك .. وتسافر من ولايه لاخرى .. دون اجراءات معقده تذكر ..قاره باكملها تحت امرك .. مطلوب منك شئ واح فقط .. ان تحترم القانون.. والقانون هنا لايفرق بين وزير وغفير.. الكل سواسيه امامه .
يمكنك التمتع بكامل حريتك .. والقانون يحميك .. بشرط لا تعتدى على حرية الاخرين ..القانون هنا اداة للضبط الاجتماعى .. وهذه الاداه مفصله بمقاييس مضبوطه .. لابد ان تناسبك .. فتبدو وانت ترتديها فى غاية الاناقه والجمال ..
فى بلدى الصغير القانون فضفاض .. يمكن ان تفصل منه جلابيه.. او بنتلون .. او حتى مركوب اذا حبيت .. وكله بتمنه .. بداء من عسكرى المرور ..الى اكبر ( حاجه ) !!!!!!

هنا لاشئ يضايقك ابدا .. حتى الضرائب .. والفواتير التى لاترحم ..لانك ترى ثمرة ماتدفع امام عينيك ..فالبنيه التحتيه فى قمة كمالها وجمالها.. وانضباطها ..
الانسان له قيمه .. والحيوان له قيمه .. والاشجار لها قيمه .. والجماد له قيمه .. وكلها محميه بالقانون ..
الاجور عاليه .. ولكن بالمقابل عليك العمل كالاله .. يجب ان يكون عملك .. دقيق ومتقن للغايه .. ممنوع الاخطاء .. والجوبكه .. كل شخص يعمل فى مهنه يجب ان يدرسها اولا .. مافى شغل جربنديه ..
وفى دوامة العمل .. يصعب عمل علاقات اجتماعيه كبيره.. وممنده .. كما فى بلدى ..العلاقات هنا فقط مع اسرتك .. وصداقات سطحيه .. الا اصدقاء تربطهم بك علاقه قويه قبل الهجره من الوطن..
ونحن نرتوى من هذا النقص عندما نعود لبلادنا فى موسم الاجازات ..

hellow America
see you later Sudan
Homepage: not entered   Email: suaad57[AT]yahoo.com

464. ندر wrote at 20.11.2008 - 4:33pm
سعاد اهلا بعودتك نورتى المنتدى وايدك بموضوع تبسيط الموقعءءءءءءءءءء نادر
Homepage: not entered   Email: not entered

465. سعاد wrote at 20.11.2008 - 4:08am
يادار...والله انا زاتى فى النت بكره () الباس وورد () والكوكيز ... يافيصولى ماترحمنا بمنتدى زى كابلسفانس بتاع زمان .. بسيط وانيق .. انت راجل مهندس وفنان .. ونحن معاك بكل قوتنا .. رغم انك انت وسعد واونتاريو وممدوح وياسر وكابلى ماعزيتونى فى خالتى .. لكن خلاص مسامحاكم .. الغايب عذرو معاهو .. وانشالله ماتشوفو الانا شفتو .. ويارب تجمع شملنا .. وعندنا صديق جديد اسمه نادر .. يللا ياجماعه نبدا..
Homepage: not entered   Email: suaad57[AT]yahoo.com

466. دار wrote at 20.11.2008 - 1:35am
وانا اقول مابحب الباس وورد ليه
اتاري انا من جماعه البساطه
Homepage: not entered   Email: not entered

467. سعاد wrote at 19.11.2008 - 10:46am
تعجبنى البساطه فى كل شئ ... حتى فى المنتديات .. احببت منتدى كابليسفانس سابقا .. لانه كان سهل الدخول اليه.. سهل الخروج منه .. وكذلك منتدى الكابلى.نت .. فقط تفتح الصفحه .. تكتب موضوعك .. وتجد كل كتابات اصدقاءك امام عينيك ... ولا تسجيل .. ولا دياولو ...

البساطه دوما جميله وجاذبه ..
Homepage: not entered   Email: not entered

468. سعاد wrote at 16.11.2008 - 8:23pm
شكرا دار.. انها خالتى قل رحمهاالله وليس رحمه .. فى لحظة ارتباك نقل الخبر المشؤم قالت هويدا انها عمتى ..

صديقتى هويدا ..ارجوك لاتغضبى .. فبعض اصدقائى لايزا لون بخير .. انهم من تكلفوا بتعزيتى .. ولو بعد حين ... لن اهجرالموقع .لا لشئ سوى اننى ادمنت الكتابة فيه .. ولى فيه قليل جدا من الاصدقاء كنت احسبهم كثر .. لكن من لم يشاركنى حزنى .. لايحق له ان يشاركنى خواطرى .. مهما كان موقعه فى قلبى !!!!
Homepage: not entered   Email: not entered

469. نارد wrote at 15.11.2008 - 9:21pm
يلا يا سعاد انفضى عنك غبار الحزنءءءءءءءءءنادر
Homepage: not entered   Email: not entered

470. دار wrote at 13.11.2008 - 9:13am
البركه فيكم ياسعاد
الهم ارحمه واغفر له
Homepage: not entered   Email: not entered

471. دار wrote at 13.11.2008 - 9:09am
الشوق بالاطنان
ياجماعه
Homepage: not entered   Email: not entered

472. سعاد wrote at 08.11.2008 - 5:31pm
امنيات متواضعه بسيطه .. تعنى لنا الكثير ..ننثرها على شباك التنهيد كل يوم .. وكل ليله .. اهى وشوشة قلوبنا الى الله ؟؟
انها تركيبه غريبه من الاحداث والمشاعر تنسكب بهدؤ وحنو على نفوسنا الحزينه..غتسرى عنها بعض حزنها .. حديث عطرى رقيق تهديه السماء الى الارض .. فسبحانك اللهم وبحمدك

Homepage: not entered   Email: not entered

473. سعاد wrote at 08.11.2008 - 5:15pm
شكرا الشيخ ....شكرا نادر .. لااراكم الله مكروها فى عزيز لديكم
Homepage: not entered   Email: not entered

474. Annabelle & Angel Marrero wrote at 29.10.2008 - 1:35am
Hello Mr. Alkabli,
We are the people who took your group picture in front of the hotel in Philadelphia,Pennsylvania,USA, on 26-10-2008.
We were visiting from Long Island, NY, to see our daughter, who just had a baby girl!, and had our grandsons with us in the car, eager to hear of our encounter with you, and learn about the world.
It was an honor to meet you, and to learn about your culture, music, and history from the web-site. We hope that your stay in the USA is a pleasant lifetime adventure.
I will try to email my photos to you in the near future.
Sincerely yours,
Angel & Annabelle Marrero
I will remember your words: "the hunted finds one, and that hunted, finds another."
Homepage: not entered   Email: anagelt3[AT]hotmail.com

475. الشيخ الشطة wrote at 26.10.2008 - 11:16am
ياخى معقول, مالك داير تعذبنا
والله بختكم وان شاء الله ما ينفعكم يا خاينين
يا ماو
عليك الله اعمل لى
SMS
فيهو التلفون
بالله ضرورى
أخوك
نجاو
Homepage: not entered   Email: not entered

Page: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

1999 - 2016 by Jens Schauer. All rights reserved.
The free guestbook from ComSite is available here !

Bookmark this page: Save to del.icio.us Digg This! Reddit It Share on Facebook Submit To Propeller Furl This Fark It Add to Yahoo MyWeb2 Add to Technorati Favorites! Seed This Twit This! Add to Windows Live favorites Add to ma.gnolia Add to Ask Add to Backflip Add to Blinklist Add to Blogmarks Add to Diigo Add to Bluedot Add to FeedMeLinks Add to Kaboodle Add to Link A Gogo Add to LinkedIn Add to Mister Wong Add to Mixx Add to Multiply Add to Netvouz Add to Segnalo Add to Slashdot Add to Spurl Add to Yardbarker Add to StumbleUpon Add to Webnews Add to Linkarena Add to Icio Add to Linksilo Add to your Browser Favorites