| | |
| 1. هوووي wrote at 31.10.2009 - 2:37pm | |
| شوفتي ليك ضوت ضلام القلب العليل
واتناسقت حروف رقت مشاعرك يا جميل | |
| | |
| Homepage: not entered Email: not entered | |
| | |
| | |
| 2. نسيم الليل wrote at 25.10.2009 - 6:28pm | |
|
غلطـان أنـا ؟؟؟؟؟؟؟؟  | |
| | |
| Homepage: not entered Email: not entered | |
| | |
| | |
| 3. نسيم الليل wrote at 24.10.2009 - 12:25am | |
| عاشق عيونك كم سنـه معليـش خـلاص غلطـان أنـا
مشيـت علـى دربـك سنيـن افــرش دريـبـك بالمـنـى
سرحت فى واديك زمن ناس الهمـوم نـاس الضنـى
كتبـت فيـك احلـى الكـلام نظمتـا فـيـك اجـمـل غـنـا
خليـت يميـن كـل الـبـلاد واختـرتـا دنـيـاك احضـنـا
معليش خـلاص غلطـان أنـا وكـل الحصـل بتحملـو
انا لى زمن متمنى يوم آخـر المطـاف بـس اوصلـو
ويقولـو لـى مبـروك عليـك ونبـدأ الفـرح مـن أولـو
نضحك كتير جنب الصحاب فى يوم سعيد ما اجملو | |
| | |
| Homepage: not entered Email: not entered | |
| | |
| | |
| 4. ود الضو wrote at 19.10.2009 - 6:51pm | |
| الله يقصر لسانا كلنا ...
وانت بالذاث لسانك دا طفش ناس كتيره ....كمان داير تطفشنى انا ..
لاهولا هيلك ياخينا
نهنا فاقدين هنان
 | |
| | |
| Homepage: not entered Email: not entered | |
| | |
| | |
| 5. هووووي wrote at 19.10.2009 - 10:15am | |
| يا ود الضو..... الله يقصر لسانك قول امين | |
| | |
| Homepage: not entered Email: not entered | |
| | |
| | |
| 6. ود الضو wrote at 18.10.2009 - 6:23pm | |
| انا سمعت اللقاء بتاع التجانى حاج موسى فى قناة الشروق ..
اتكلم فيهو عن قصايده كلها العاطفيه والغنائيه .. والوطنيه .. اصلو ماجاب سيرة قصيدة فى عز الليل ..
بينما الكابلى قبل ما يغنى اغنية فى عز الليل او حتى تجى سيرتا فى اى مناسبه ..لاااااااازم يذكرنا انها كلمات التيجانى حاج موسى..
خلاص صدقنا انها كلمات التيجانى حاج موسى وموش كلماتك انت !!!!!! الفى بطنو مدرسه براهو داقى جرس ..
والفى بطنو اورغ براهو بجبجب .. هسى فى زول غالطك ؟؟؟ | |
| | |
| Homepage: not entered Email: not entered | |
| | |
| | |
| 7. ود الضو wrote at 18.10.2009 - 6:14pm | |
| الدوش إنسان جميل
مشي لكن هو قاعد فينا حرفاً انيقاً لاتنبهم معانيه
مهما توالت الازمان ,,
قامت سُعاد من رقدتهْا
الكون جميع كان انحصر مابين
قيامَهْا ووقفتَهْا
| |
| | |
| Homepage: not entered Email: not entered | |
| | |
| | |
| 8. ود الضو wrote at 18.10.2009 - 6:10pm | |
| خيال خاص عند الدوش وما اجمله من خيال ..
رحمة ومغفرة ليك يادوش قدر الحروف
الخليتها لينا واضعافها ..
واقولِك يا سعاد
يا دَه السماح
ايا عِزَة نِفس برَكَت
متين بنْسوِّى لينا جناح
واشيِلك يا سُعاد
وامْرُق
من الزمن الدَّني
ونبَّاح)
****
أعيشهْا معاكَ لو تعْرف
دموع البهجَهْ والأفراح
أعيشهْا معاكَ واتأسّف
على الماضى اللّى ولَّىَ وراح
على الفُرْقَهْ الزمانا طويل
على الصبر الّى عِشْنَاهو
مع طُول الألم والليل
زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
زمان ما عِشْنَا فى غُرْبَهْ
ولا قاسينا نِتْوحّد
وهسَّع
رُحْنا نتْوجّع
نعيش بالحسرَهْ نتأسّف
على الماضى اللِّي ما بِرْجَع
أحبَّك
لا الزمن حوّلْنى عن حُبّك
ولا الحسرَهْ
وخوفى عليكَ يمْنَعْنى
وطول الإلفَهْ والعُشْرَهْ
وشوقى الليك طوَّل
لسّه معاي
ولى بُكْرَهْ
............ | |
| | |
| Homepage: not entered Email: not entered | |
| | |
| | |
| 9. هووووي wrote at 17.10.2009 - 9:22pm | |
| يا ود الضو ..
ما تشرح لينا قصيدة في عز الليل
في الحصة الجاية عشان عاوزين نذوب في معانيها | |
| | |
| Homepage: not entered Email: not entered | |
| | |
| | |
| 10. هووووي wrote at 17.10.2009 - 9:21pm | |
| يا سلام عليك يا ود الضو... انت الشيخ متنكر ولا شنو... بس كويس برضو عملت شغل ظريف
الله يكفينا الشيخ وشرور الشيوخ | |
| | |
| Homepage: not entered Email: not entered | |
| | |
| | |
| 11. ود الضو wrote at 14.10.2009 - 7:48pm | |
| المنبشق دا زول فاااهم .. ومعلم قدير .. بس بحب رواق سنار زى حب الدوش لسعاد .. عشان كده اداكم الحصه . ودق الجرس وقفل المدرسه وجانا جرى .. لكن انا حاكمل ليكم المقرر العليكم فى القصيده .. وبالجد نكون كملنا المقرر .. وبالجد حنقفل الفصل... يلا يا ممدوح امسح السبوره واكتبو...
بسم الله
بسم المجد فى أحضان سُعاد
اكتبوا التاريخ...خمستاشر ربيع أول..
والمُوافِق...موِلد الايقاع على خطوات سُعاد
-----------------------------------------------------------------------
شرح القصيده ..
كِبْرَتْ كُراعى من الفرح
نُص فى الأرِض نُص فى النِّعال
اتْلخْبَط الشوق بالزَّعل
اتْحَاوروا الخوف والكلام
هيي يا سُعاد
على ودْ سكينَهْ وكِلْتِي في خشمو الرماد
علي ود سكينَه ومَات أسى
وأنا بِت بلاك ملْعُون أبوى لو كنتَ أرْضَى أعرِّسهْا
وأنا يا سُعاد
وكتين تصُبى سحابَهْ تَنْزِلي زي دُعاش
بفْرِش على روحى واجيكْ
زولاً هِلِك تعبان وطاش
وأنا يا سعاد وكتين أشوفِك ببقى زول
فَرَشولوا فَرْش الموت وعاش)
قالت سُعاد
(بطِّل كلام الجِرْسَهْ انجض يا ولد)
مزّقْت روحى نِتَف
مرّقْتَ من جيب القميص
عرقى وأسق
طبّيت قزازتى وصلتَ لى طَرَف البلد
وسكْرتَ جَد
اذّنت فى الشوك والسَلَم
وسرحْتَ بالناس والغَنَم
وركعتَ للعرقى البِكِر
وقدتَ فى الألم الحِكِر
وحلمتَ زى شالنى ومشَى
فوف زحمة نْبيْ الله الخِضِر
صحَّانى صوت العُمدهْ قال
(مسئول كبير زاير البلد)
مرابط الحصان في القطعة الفوق دي .. ادناهـ :
على ودْ سكينَهْ وكِلْتِي في خشمو الرماد
علي ود سكينَه ومَات أسى
وأنا بِت بلاك ملْعُون أبوى لو كنتَ أرْضَى أعرِّسهْا
مكسر ومتيم للطيش .. شفت للطيش دي يعني محدد الشغلانية ..
بعد ان اتكال خشمو بالتراب
ومات عديييل لكنو حي .. موت العشق وما بموت لاي اخري سواها ..
بس سعاد .. اموت انا في الزي سعاد
.. واتربع عرش الصبر لحظة الشاكوش ...
لا ودوهو التجاني الماحي ولا فكر ينتحر..
بس بلقي نفسو مع السكر والعرقي البكر وبي سترة وين ؟
في طرف البلد .. يلطط صاح ويودر ويرجع
ولايخرج منه كلام الا وفيه سيرة سعاد ...
**
وأنا يا سعاد وكتين أشوفِك ببقى زول
فَرَشولوا فَرْش الموت وعاش)
**
هسي عليك الله دي مش فيها خيال ابعد من الخيال زاتو ..
فرش الموت وعاش .. يعني يمكن الجماعه
اتهموه بانه مات ..وفرشوا ليه وعملوا كل التفاصيل المماتية ..
لكنو هو عاش .. بس بي شوفة الزولة سعاد..
بي بالقدلة ..والبسمة. زي ماقال واحد اخونا كدا ..
***
(بطِّل كلام الجِرْسَهْ انجض يا ولد)
اها شفت الرد .. انجض ..
هو مانجيض.. وقاعد بنجلد وجسمو كلو اتوسم بالسوط..
عشان منو ؟ عشان
الرايقة سعاد التي تجعله دوما يفعل مايريد بلا مبالاة او تدقيق ...
**
صحَّانى صوت العُمدهْ قال
(مسئول كبير زاير البلد)
... مسئول ممكن ؟ لكن كبير ما اظن ؟ والزول الدوش في ردو قال انو :
مسئول كبير ياعمدة غير الله انعدم .. وهو صادق اصدق الصدق ..
مسئولو الكبير .. هو بس سعاد.. تلك الانثي
التي تتقطر جمالا ورقه وود .. ... | |
| | |
| Homepage: not entered Email: not entered | |
| | |
| | |
| 12. الاستاذ منبشق wrote at 13.10.2009 - 7:22pm | |
| استاذ ود الضو نقلهو لرواق سنار .. الدايرو يمشى ليهو هناك
انا حاديكم الحصه النهارده .. ومن بكره شوفو ليكم
استاذ غيرى .. الشيخ النطه افهم زول فيكم
بس كان خلى الخوف بتاعو دا
بسم الله نبدأ :
يا سعاد تعالى ولمي من كل البيوت
عِدَّة السَفَر الطويل
زخرفي الفجر النهار
شخْبِطي الضُحى والليل
المَغْرِب .. الفجر.. النجوم.
في صُرَّهْ وارمِيها البحر
خلِّينَا فوق الشك نَعُوم
يعني .. يا سعاد .. شوفو يا سعاد دي ذااااتها ..تمرق من الحشاء وتحرق الجوف .. دة كلام كبار عليكم .. لكن عشان تفهموه .. قال ليها يا سعاد تعالي ولخبطي الدنيا كلها .. بس سجلي حضور .. ومن غير حضورك غامرني نورك .. وانا اصلي بموضوع المسؤل الزاير البلد دة لخبطت الدنيا كلها مع العمدة الوصولي .. وهسة قانص لي .. وبفتش علي .. وخربانة ام بناية قش
.
والعُمدَهْ فاض
العُمدَهْ صار مليون عُمَد
العُمده فيل
جبلاً تقيل
لبْوَهْ وأسد
حَسَنَهْ وغَصِب
جُمْعَهْ وأحَد
هاهاهاها العمدة اتنفخ واصلو منفوخ لمن ملامح شكله ما بتنفرز .. ضكر ولا انتاية ما تعرفو (لبوة واسد) اصبح من الزعل كائن خرافي .. الا صاحبنا ضارب الهم بالفاقة وقلبه حار ومؤمن بالقضية .. طبق قزازة عرقي بكر ومرق :
بقّيتْ قزازتى
مرقْتَ عِن طرف البلد
وسكْرتَ جَد
وأنا جايي راجِع أجهجهو
لاقاني هو !!!!!!
هاهاهاها ارسموا اللوحة دي في خيالكم يا ربش دي ما بتنشرح .. دي بحسوها وبشوفوها
سايق العساكر والكلاب
رامى بين عيني وعينو
كلب .. وتَكْشيرهْ .. وحُراب
ضاقت نِعالى من الزّعل
من تحتهَا اتْمَلمل تُراب
ابو الثبات ذاتوو .. شفتو حرارة القلب البتناغم النعال دي كيف ؟؟
الغيم سكب ضُلو ومشَى
والدنيا غيما سراب سراب
والحِلهْ زى بلداً بعيد
زوَّد بُعادو قُرُب سُعاد
اقول ليكم حاجة؟؟ انتوا والله ما حتفهموا .. والقصيدة دي كبيرة عليكم .. ومامفروض يدرسوكم ليها .. لانو احساسكم ني .. عاسوكم ناس ثورة التعليم العالي ووصلوكم للمرحلة دي وراسكم فاضي .. .. خالين احساس وفهم ووطنية . نواصل .. اكتبوا ساي ياخ
:
اتجمَعَت كلَّ البيوت فى راحتَا
زى بِت لِعاب
مجنونَهْ تصرخ فى الزوال
ممزوجَهْ فى الدم واللُعاب
عينيَّ ضاقت نظْرَتهْا
والجوف يطقْطِق بالكلام
اها بتعرفوا حرقة الاحساس بالظلم البتخلى الرجال تنزل منعهم دموع الغلب ؟؟ ( دموع الرجال غلب ) امشوا كمان فسروا لي كلمة (غلب) انهزام .. اووووعكم .. دي العكس تماما .. الا الكترة بتغلب الشجاعة
.
قُبَّال يقولوا لي سلام
اتلمُوا حولى بلا نِظام
شال وعِمَّهْ
توب وغُمَّهْ
فاس وطوريَّه وحزام
شالونى بى كُل إحترام
دي ياها ذااااتها الوجعة البتولِّد السخرية المرَّة .. شفتوا ليكم عسكري راعى انسانية زول ملكي وكمان مطلوب .. ومفوِّر دم الجهات العليا ؟؟
شالوني بي كل احترام
ورمونى فى قَعَر السجن!!
حصلّنى قبل اليوم يِتم
جارنا المدرِّس ودْ خدوم
قال ليَّ
لا زول قام هتَف
لا كف مشَت بتلاقِى كَف
والعُمدَهْ زى هَمْبول وقف
يا صمت أُف
يا دنيا تُف
وأنا يا سُعاد للشوق نغَم
للهَم عَلَف
ياسلام .. شوفوا رغم التفاهات دي كلها .. في عشم .. في زول جواه بيضوي دياجير نفسه وسط كل الظلم والاحباط دة .. هنالك ملاذ للاستدعاء .. روح تنشيطية غير منسية جواه .. !!!
ياربي في كم منك هسة يا سعاد ؟؟
قوموا شتتو يلا .. فاتحين لي خشومكم كدة وما فاهمين التكتح .. تحفظوا بس وتجوا تكبوه بي ضبانته في الامتحان .. ويجي الوزير يلقى الدرجات شينة .. يقول عدِّلوها وادفروهم دايرين تفضحونا ؟؟ شتتوا
المدرسه قفلناها لاجل غير مسمى
| |
| | |
| Homepage: not entered Email: not entered | |
| | |
| | |
| 13. dar wrote at 13.10.2009 - 7:44am | |
| هووووي
انا قايلك دكاك حصص
اتاريك مواظب | |
| | |
| Homepage: not entered Email: not entered | |
| | |
| | |
| 14. هووووي wrote at 12.10.2009 - 11:15pm | |
| الشيخ الظلبطة... وينك ما حاضر في الصف | |
| | |
| Homepage: not entered Email: not entered | |
| | |
| | |
| 15. هووووي wrote at 12.10.2009 - 11:15pm | |
| والله يا ود الدو كلامك زي العسل.... انا كل ما اسمع الاغنية دي بحس بي اني بشاهد في مسرحية ك | |
| | |
| Homepage: not entered Email: not entered | |
| | |
| | |
| 16. ود الضو wrote at 12.10.2009 - 5:25pm | |
|
لميت مشاعري مرقت عند طرف البلد وسكرت جد
وانا جاي راجع منتهي لاقتني هي قالت لي تعال
كبرت كراعي من الفرح نص في الارض نص في النعال
الله اكبر يا معافرة يامدافرة يا جهاد
هي ياسعاد هي ياسعاد...
كلشاعر وصف حالة الزول ده بي انه منتشي من الفرح والسكر والحب .. ووصل مرحلة ما بعد بعد اللاوعي
لو في ترتيب للمرحلة .. يعني قمة النشوة .. لمن حس بي كرعينوا بقن كبار من مقاس 42 يمكن يكون وصل
مقاس 57 زاتوو .. والاحساس الذي دا لما يجي من اتجاه الكرعين.. معناها الزول ده وصل لي درجة متقدمة جدا
من نتاج تلك الخلطة الفظيعة من ( الفرح + الســّـــكر + الحب ) .. يعني التلاتة اشياء دي لو اجتمعت فيك
وفي وقت واحد.. تمشى اقرب بحر واعمل ليك جنبو راكوبة قش واعلن دروشتك ...
يعني لو رجعنا لي وراء شوية ..ونبشنا قبور الذواكر.. والحته الخاصة بالافلام في الذاكرة واسترجعنا حالة البطلة
الختيرة ديك روز في فيلم تايتنك.. ولحظة وقفتها علي اطراف اصابعينا في الحفلة بتاعت درجة تالتة مع الطبقة
تلك .. اها البت روز دي في اللحظة ديك وصلت المرحلة بتاعة الدوش زولنا دا وبقت ماشاعرة بي شيئ ..
يعني نشوة من الحب والفرح والسكر.. والاحساس طالع من جوه القلب الجواني ..
مشي للراس لقاهو مافي .. رجع للكرعين لقاهن كباااار ...
تخريمه
* شوفوا من هسي بقولها ليكم الزول البيصل الحالة دي وبدون سكر .. بالحب بس يعني وانت واعي ..
تأكد بان صامولتو بتتحلج ويبدا يكتب شعر او يلقط ورق في الزقاقات والشوارع ..
*
نطلع بدون هرجلة لفسحة الفطور وماننسي نحفظ الكلام دا ومانطبقوا عشان الصواميل ماتتحلج ...
| |
| | |
| Homepage: not entered Email: not entered | |
| | |
| | |
| 17. ود الضو wrote at 12.10.2009 - 4:22pm | |
| ياهووووى انت طبعا زول بتاع هرجله ساى .. امسك خشمك واسمع بس .. وانت يادار خلى بلادتك دى وقنب ورا جمب ياسر عركى عشان يغششك ساعة اللزوم .. ممدوح انت الالفا ..قوم امسح السبوره .. اها انتباه حنشرح .. | |
| | |
| Homepage: not entered Email: not entered | |
| | |
| | |
| 18. dar wrote at 12.10.2009 - 7:35am | |
| كبرت كراعي من الفرح
لما قالتو تعال من الاستعجال دخل نصف كراعو
في المركوب | |
| | |
| Homepage: not entered Email: not entered | |
| | |
| | |
| 19. هوووي wrote at 12.10.2009 - 6:28am | |
| انا في الصف القدام ومنتظرك تواصل يا ود الدو | |
| | |
| Homepage: not entered Email: not entered | |
| | |
| | |
| 20. ود الضو wrote at 11.10.2009 - 9:20pm | |
| اها ياتلاميذي العزاز ..
حصتين دبل مع بعض حيكونو خاصين ب ( كبرت كراعي من الفرح ) ..
وهي مربط الحصان .. والله يا الدوش هو الناس بتكبر ريسينهم من الفرح لحظة الاستجابة
من المحبوب وبزغللوا من فوق .. وانت بتكبر كراعك نقول شنو ؟؟؟ غير انك ملك الكلام والقافية ..
انا تفسيري ليها تفسير خااااس جدا حتة كبر الكراع دي .. وكدي اشرب لي كباية شاي واجيكم ..
| |
| | |
| Homepage: not entered Email: not entered | |
| | |
| | |
| 21. ود الضو wrote at 09.10.2009 - 5:52pm | |
| الوطن هنا واسع وشاسع يسع الجميع .. المساحات مترعة فقط بالجمال
حبابك واعتبر نفسك متسجل .. | |
| | |
| Homepage: not entered Email: not entered | |
| | |
| | |
| 22. dar wrote at 09.10.2009 - 1:13am | |
| سجلني ياود الضو | |
| | |
| Homepage: not entered Email: not entered | |
| | |
| | |
| 23. ود الضو wrote at 08.10.2009 - 7:02pm | |
|
ناس الرواق مساء الخير والجمال ..
اصلو الدوش دا انا مابخليه ولابخلي سعاد .. عشان كدا قلت افتح فصل
من القش والحطب عشان الهواء يكون متجدد داخل وطالع ونسرح مع الزول الدوش ..
ومع البت سعاد ونعيد الترتيب ووضع الحروف في النقط لانو اصلا هي النقط موضوعة علي الحروف
من لدن ذلك الجميل الدوش .. وللمعلومية حنعيد الحصص من البداية عشان الماكانو حاضرين يحضروا
والكانوا حاضرين وماحافظين يا المنبشق يحضروا ويحفظوا .. وبعدين وبحكم ان الفصل كبير وواسع
حنعمل كنبتين بعرض الفصل من الخشب المتين خوف المدافرة ودخول مرحلة اللاوعي لحظة الحصة
الدوشية السعادية المنمقة بالريد المعتق .. ومن هسي مادايرين هرجلة مع كلام الدوش في سعاد ..
لانو شامل ووافي بهرجلتو العشقية الجميلة المتفردة والانبواحات التي تجعلك متزحلقا في الخشن من المماشي
الترابية بلا ادراك حين تصل مرحلة الســـّكر العشقي المدنكل والمبهــّــر باحرف مضيئة وباقية تكفي لكل عاشق
مثله ان يتخذها نبراسا وبوابة دخول في جوف الجوف ..
التسجيل قد بدأ اعتبارا من قبل يومين .. لارسوم للتسجيل لان الدراسة في فصل الدوش مجانية وبلا اتعاب
الدراسة حتبدأ قريبا .. نرجو الاسراع بالتسجيل لان الفرص غير محدودة وتسمح باستيعاب كل الرواق
ودا كلو في شان البت سعـــــــاد ..
الرحمة والمغفرة لصاحب الحزن القديم الدوش .. والتحية للزولة سعاد ..
| |
| | |
| Homepage: http://www.sennar.net/vb/index.php Email: not entered | |
| | |
| | |
| 24. suehenery wrote at 06.10.2009 - 6:07pm | |
| بحديــثك المتناســق.. و المنظــّـم ..و نقاطك السلِـســله
و التأمّل المتسامي... و انت نعطي إشعاع النور في كل اتجاه
استطعت الوصول لعقل وقلب المشاهد
فمخاطبة العقول والقلوب فن لا يجيده إلا من يمتلك أدواته
وانت تمتلك كل.. شئ.. كل شئ | |
| | |
| Homepage: not entered Email: not entered | |
| | |
| | |
| 25. suehenery1 wrote at 05.10.2009 - 8:19am | |
| عبقرى حتى فى ايمانك بالله والدليل تعديلك للبيت الذى يقول :
آمر بالصلاه خدمك بنوك - ثم اصطبر عليها اليرزقوكَ
الى : آمر بالصلاه خدمك بنوك - ثم اصطبر لاتضيق بتضوق حلوكَ
| |
| | |
| Homepage: not entered Email: not entered | |
| | |